മഞ്ചേശ്വരത്ത് വൈദ്യുതി കമ്പിയിൽ നിന്നും ഷോക്കേറ്റ് എട്ട് വയസുകാരൻ മരിച്ചു

മഞ്ചേശ്വരം(newsasiavision.blogspot.com): നിർമാണം നടന്ന് കൊണ്ടിരിക്കുന്ന വീടിന്റെ ടെറസിൽ കളിക്കുകയായിരുന്ന എട്ടു വയസുകാരൻ ഷോക്കേറ്റ് മരിച്ചു. വോർക്കാടി ഗ്രാമ പഞ്ചായത്തിലെ പതിനാറാം വാർഡായ അരിബയലിലെ മോർത്തണ രാജ് നിവാസിൽ താമസക്കാരനും ഓട്ടോ ഡ്രൈവറുമായ സദാശിവ ഷെട്ടി- യശോദ ദമ്പതികളുടെ മകനും തലക്കള എൽ.പി സ്‌കൂളിലെ വിദ്യാർഥിയുമായ മോക്ഷിത് രാജ് ഷെട്ടി (എട്ട്) ആണ് മരിച്ചത്. ചൊവ്വാഴ്ച വൈകുന്നേരമാണ് സംഭവം. ഇവരുടെ വീടിനു സമീപത്ത് നിർമാണം നടന്നു കൊണ്ടിരിക്കുന്ന വീടിന്റെ മുകളിൽ കയറിയ കുട്ടി സമീപത്ത് കൂടി കടന്നു പോയ എൽ.ടി ലൈനിൽ പിടിച്ചതാണ് ഷോക്കേൽക്കാൻ കാരണമായത്. വൈകുന്നേരം അഞ്ചു മണിയോടെ വീട്ടിൽ നിന്നും കളിക്കാൻ പോയ കുട്ടി തിരിച്ചു വരാത്തതിനെ തുടർന്ന് വീട്ടുകാർ തിരച്ചിൽ നടത്തുകയായിരുന്നു. തുടർന്നാണ് വീടിന്റെ ടെറസിൽ ഷോക്കേറ്റ് മരിച്ചു കിടക്കുന്ന നിലയിൽ കണ്ടെത്തിയത്. മൃതദേഹം പോസ്റ്റു മോർട്ടത്തിനായി മംഗൽപാടി താലൂക്ക് ആശുപത്രി മോർച്ചറിയിലേക്ക് മാറ്റി. ഏക സഹോദരൻ: മൻവിത് രാജ് ഷെട്ടി

...ഏഷ്യാവിഷൻ ന്യൂസ് വാട്സാപ്പില്‍ ലഭിക്കാന്‍ 9895854501 എന്ന നമ്പര്‍ സേവ് ചെയ്തതിനുശേഷം നിങ്ങളുടെ പേര് ഈ നമ്പറിലേക്ക് വാട്സാപ്പ് മെസേജ് അയക്കുകയോ, നിങ്ങളുടെ വാട്ട്സ് ആപ്പ് ഗ്രൂപ്പിൽ ചേർക്കുകയോ ചെയ്യുക...