നിയന്ത്രണം വിട്ട സ്‌കൂട്ടർ മറിഞ്ഞു വിദ്യാർത്ഥി മരിച്ചു
മഞ്ചേശ്വരം (newsasiavision.blogspot.com): നിയന്ത്രണം വിട്ട സ്‌കൂട്ടർ മറിഞ്ഞു വിദ്യാർത്ഥി മരിച്ചു.
ഉപ്പള പെരിങ്കടിയിലെ ഇബ്രാഹിം-സഫിയ ദമ്പതികളുടെ മകനും മംഗൽപാടി ഹയർസെക്കന്ററി സ്‌കൂൾ പത്താം ക്ലാസ് വിദ്യാർഥിയുമായ മുഹമ്മദ് ഇശാം (15) ആണ് മരിച്ചത്.
വെള്ളിയാഴ്ച വൈകുന്നേരം ഹൊസങ്കടി പഴയ ചെക്ക് പോസ്റ്റിന് സമീപം ദേശിയ പാതയിലാണ് അപകടം.
സ്‌കൂട്ടർ ഡ്രൈവ് ചെയ്തു പോകുന്നതിനിടയിൽ നിയന്ത്രണം വിട്ടു സമീപത്തെ ഡിവൈഡറിൽ തല ഇടിക്കുകയായിരുന്നു.
അപകടത്തിൽ ഗുരുതര പരിക്കേറ്റ വിദ്യാർത്ഥിയെ മംഗളൂരിലെ സ്വകാര്യ ആശുപത്രിയിൽ കൊണ്ട് പോയെങ്കിലും ജീവൻ രക്ഷിക്കാനായില്ല.
മൃതദേഹം പോസ്റ്റു മോർട്ടത്തിനായി മംഗളൂരു വെൻലോക്ക് സർക്കാർ ആശുപത്രി മോർച്ചറിയിലേക്ക് മാറ്റി.
മയ്യിത്ത് ശനിയാഴ്ച രാവിലെ പെരിങ്കടി ജുമാ മസ്ജിദ് ഖബർസ്ഥാനിൽ മറവ് ചെയ്യുമെന്ന് ബന്ധുക്കൾ അറിയിച്ചു.
സഹോദരങ്ങൾ: ഫാത്തിമ, ആയിഷ, സമ്മാസ്
...ഏഷ്യാവിഷൻ ന്യൂസ് വാട്സാപ്പില്‍ ലഭിക്കാന്‍ 9895854501 എന്ന നമ്പര്‍ സേവ് ചെയ്തതിനുശേഷം നിങ്ങളുടെ പേര് ഈ നമ്പറിലേക്ക് വാട്സാപ്പ് മെസേജ് അയക്കുകയോ, നിങ്ങളുടെ വാട്ട്സ് ആപ്പ് ഗ്രൂപ്പിൽ ചേർക്കുകയോ ചെയ്യുക...
അഭിപ്രായങ്ങള്‍
ഒരു അഭിപ്രായം പോസ്റ്റ് ചെയ്യൂ